Abstract
Ka whai haere te raupapa o tēnei tuhinga i ngā mahi o ngā rā o te uhunga - tīmata mai ana i te matenga o te tūpāpaku, tae noa ki te rā e tanumia ai te tūpāpaku. Ka āta tirohia i tēnei tuhinga te āhua o ngā tikanga e here ana i ngā mahi o aua rā o te uhunga. Ko te pātai, e pēwhea ana te āhua o ēnei tikanga o te uhunga i Te Nehenehenui? E ora ana, e mate ana, e pēwhea kē ana rānei? E rua ngā huarahi rangahau i whāia hei whakautu i tēnei pātai, i te tuatahi i ketuketuhia ngā mātātuhi, tuarua i uiuitia ētehi tāngata matatau ki te kaupapa mō ngā tikanga i kitea e rātou i ngā tau o mua me ērā e kitea atu ana e rātou i ēnei rā nei.
